Detholiad o lechi cerfiedig o Ddyffryn Ogwen, wedi'u casglu ynghyd gan aelodau'r gymuned a'u digido yn Llyfrgell Gymunedol Bethesda, 2019.

Dyma enghreifftiau o gelf werin unigryw a ymarferwyd gan chwarelwyr Dyffryn Ogwen yng Ngwynedd. Cafodd y cerfiadau cywrain hyn, rhai yn batrymau geometrig gyda chanolbwynt ac eraill yn darlunio gwrthrychau bob dydd, sgoriau cerddorol, blodau, adar a phlanhigion, eu creu gan weithwyr arbennig o fedrus o chwareli llechi yng Ngogledd Cymru.