"Trefkenon 1254, Trefkeno c.1291, Trefgenan 1331-2, Tresgenan 1338, Treffgenon 1365-6, Trefgenon 1393-4, 1549, Tregonon 1507, 1606-7, Tregynnon 1547, ll.dref gynon c.1566, Tregonen 1583, Tregynon 1583, c1679, Tref gynon 1550-1600
Tref + enw pers. Cynon, ‘trg.Cynon’. Priodolwyd cysegriad yr eglwys i Cynon, cymh. Capel Cynon Ceredigion, a meddylir bod cell meudwy ganddo yng Nghroescynon, Maesyfed, ond mae’n bosib mai engrhaifft arall yw hyn o dybio cysegriad at sant o enw lle. Yn 1721 rhoir yr enw gan Browne Willis (‘Survey of Bangor’) fel S. Knonkell; efallai fod hyn yn dod o fersiwn ddryslyd o linach (Progenies Keredic’) Ceredig, brenin Ceredigion, c.1200; cynhwysa Cynidr Gell (Kenider Gell), ‘mab Kynon mab Keredig’. Ymddengys nad oes cysylltiad rhwng Cynidr a Cynon a Thregynon cyn cerdd Lewys Dwnn i David Lloyd Blayney, Uchel Siryf, 1577 lle cymheir David ag Elystan (gw. Trelystan), Cynan a Cynidr (Kynan Kenyd). Un o dair swydd neu ringylliaeth (gw. Swydd Eginlle) Cedewain a gofnodwyd fel comot Conan (am Cwmwd Cynon) 1584, oedd Tregynon.
"