Adnodd 3: Cyhoeddi eich cynnwys eich hun gyda metadata
Cyhoeddi casgliad ar Casgliad y Werin Cymru sy’n cynnwys metadata da a gwybodaeth hawlfraint gywir.
Cwricwlwm i Gymru
Fframwaith Cymhwysedd Digidol.
Dinasyddiaeth: 1.1. Hunaniaeth, delwedd ac enw da; 1.3 Hawliau digidol, trwyddedu a pherchnogaeth
Rhyngweithio a chydweithio: 2.2 Cydweithio; 2.3 Storio a rhannu
Cynhyrchu: 3.2 Creu; 3.3 Gwerthuso a gwella
Oed: 8-11 / Cam Cynnydd: 3
Pecyn Gweithgareddau Dysgu
Mae’r adnodd hwn yn darparu gweithgareddau dysgu ar gyfer eich myfyrwyr, gan ddefnyddio ein gwefan. Gallwch ei ddewis rhannau ohono i wneud eich gwersi eich hun. Mae’n un o gyfres o bedwar adnodd o'r enw Canllaw hwylus i hawlfraint a metadata.
Adnodd 1: Hawlfraint - Byddwch yn ymwybodol o’ch hawliau digidol
Adnodd 2: Metadata - Chwilio am nodwydd mewn tas wair
Pa mor hir a gymer hyn?
Gallai'r wers hon bara am nifer o oriau gan y bydd angen i bob disgybl sganio delwedd y maent wedi ei chreu, ei huwchlwytho i wefan Casgliad y Werin Cymru ac ychwanegu eu metadata. Efallai y byddwch yn dymuno rhannu'r wers yn sesiynau byrrach.
Gall y gwaith paratoi i'r athro gymryd 1-2 awr (gweler isod), a dylai hyn gael ei gwblhau cyn y wers. Ar ôl i chi wneud hyn, byddwch yn gallu dysgu eich disgyblion sut i ddefnyddio Casgliad y Werin Cymru ar gyfer y wers hon, ac unrhyw brosiectau a wnewch yn y dyfodol.
You must be logged in to leave a comment