Esgid chwith plentyn gyda lledr uchaf, gwadn pren, sawdl lledr a dau stribed lledr yn rhedeg ar ei hyd o bob ochr i’r bawd. Mae rhan o’r lledr uchaf wedi’i dorri, i wella’i nodweddion hudol o bosibl. Credir ei bod yn cael ei defnyddio fel swyn rhag anlwc a chafodd ei darganfod yng Ngwynedd.

Mae dillad wedi’u cuddio’n fwriadol mewn tai wedi cael eu darganfod tu ôl i waliau ac o dan loriau ar hyd a lled y wlad. Yn aml maent yn cael eu darganfod ger drysau, ffenestri a simneiau. Credir bod y dillad hyn – yn aml ag ôl gwisgo arnynt – yn cael eu defnyddio fel swyn i warchod preswylwyr rhag ysbrydion drwg, sy’n esbonio eu safle ger mynedfa’r tŷ.

Cyfeirnod: F86.155