Er taw ym Manceinion y ganwyd David Lloyd George, Llanystumdwy yn Eifionydd fu ei "gartref" erioed. Dyma fro mebyd ei fam. Yma y bu'n byw o pan yn flwydd oed hyd yn ddwy ar bymtheg. Ac yn ysgol eglwysig Llanystumdwy yr ymladdodd ei frwydr gyntaf yn y rhyfel dros "ryddid crefyddol" pan drefnodd brotest yn erbyn dweud y Credo a'r Catecism. Gadawodd yr ysgol ym mis Gorffennaf 1878 pan ddywed y llyfr lg ei fod yn mynd i'w hyfforddi yn dwrnai. Tynnwyd y ffotograff yma gan gwmni Wickens o Fangor.