Archdderwydd, bardd a beirniad – Hwfa Môn o Rostrehwfa ger Llangefni oedd un o gymeriadau amlycaf yr Eisteddfod Genedlaethol. Roedd popeth amdano yn fawr – ei gorff, ei lais a’i hunanhyder. Enillodd chwe chadair Eisteddfodol gan greu argraff ar bawb oedd yn cwrdd ag ef. Yr oedd Hwfa Môn, yn ôl Hywel Teifi Edwards, ‘wedi’i greu ar gyfer llanw eangderau’. Testun gan Bedwyr Rees ar gyfer arddangosfa y Lle Hanes, Eisteddfod Genedlaethol 2017.