Mae’r cynllun hwn yn cynnwys diagram ar gyfer gosod rigin treill-longau Morlys fel y TR4.Roedd cynllun y llong wedi’i seilio ar ddyluniad a gafodd ei baratoi gan Smith Dock Company o Middlesbrough ar ddechrau 1916. Defnyddiodd y Port Arthur Shipbuilding Co. Ltd. o Port Arthur, Ontario, y cynllun i adeiladu 60 treill-long dan gontractau a gafodd eu goruchwylio gan Lynges Frenhinol Canada.Yn y gornel dde uchaf mae’r cynllun hefyd yn nodi nifer yr eitemau yr oedd angen eu harchebu gan y Boston and Lockport Block Company. Ers canol y bedwaredd ganrif ar bymtheg roedd y cwmni wedi’i leoli yn 210 Market Street, Lockport, Efrog Newydd, ond byddai dau dân trychinebus yn ei orfodi i gau maes o law.Ffynhonnell:Great Lakes Marine Archives ship plan collection / [gwnaethpwyd gan] Dave Benedet. Thunder Bay Public Library, Ontario, 2011.