Roedd cadeiriau cludo yn boblogaidd yn Ninbych-y-Pysgod o'r ddeunawfed ganrif ymlaen. Yn ystod y 19eg ganrif roedd masnachwr o'r enw Cadwallader, oedd a'i fusnes ar Frog Street, yn eu rhoi ar log. Byddai merched yn cael eu cludo ynddynt ar eu ffordd i ddawnsiau, partïon neu i gymdeithasu.

Defnyddiwyd y gadair hon i gludo Miss Stokes, priodferch un o Feiri Dinbych-y-Pysgod, i'r eglwys yn Hwlffordd ar ddiwrnod ei phriodas ym 1872. Fe gyflwynwyd y gadair i Amgueddfa Dinbych-y-Pysgod ym mis Ebrill 1896 gan y teulu Richards, Croft House a fu'n chwarae rhan blaenllaw ym mywyd cyhoeddus y dref.

[Ffynhonnell: Amgueddfa ac Oriel Gelf Dinbych-y-Pysgod]