Mae'r Parch R. D. Thomas yn ymddiheuro am beidio ysgrifennu ynghynt ond esbonia iddo gael profedigaeth yn dilyn marwolaeth sydyn ei wraig. Mae bellach yn awyddus i ddychwelyd i Gymru yn gynnar ym 1874. Bydd yn dychwelyd gyda gweddillion ei wraig a lludw dau o'i blant a gladdwyd yn Swydd Oneida er mwyn eu claddu yn Sir Drefaldwyn. Mae Thomas yn anfon copïau o'i lyfrau 'Hanes Cymru America' a 'Colofn y Gwirionedd' yn y post a gofynna i Michael D. Jones eu rhoi i'r Parchedig Robert Thomas, Bangor, ar gyfer eu hadolygu yn 'Y Dysgedydd'. Cynhaliwyd priodas ei ferch hynaf, Jane Elizabeth, a David John Richards ar 6 Tachwedd. Dim ond dau o blant sydd dan ei ofal erbyn hyn.