Anfonodd Humphrey Jones y llythyr hwn, dyddiedig 9 Rhagfyr 1855, at ei rieni o Lundain. Mae'n diolch i'w rieni am eu llythyr ac yn gobeithio eu bod bellach wedi setlo yn eu cartref newydd. Mae'r tywydd wedi bod yn oer iawn yn Llundain, bu'n rhewi ac yn bwrw eira. Yn ôl Humphrey, mae sôn y bydd heddwch yn y Crimea cyn bo hir. Roedd cryn gyffro yn Llundain yr wythnos ddiwethaf gan fod Brenin Sardinia yn ymweld â'r dref. Gofynna Humphrey i'w rieni pwy yw tenantiaid newydd y 'Royal Oak' yn Llangollen.