Ar ôl i'r gweithwyr ofyn am gyngor Evan Evans, penderfynasant anfon y llythyr hwn at Mr Legg. Esbonia'r mwynwyr fod ganddynt gytundeb arbennig ar gyfer gosod bargeinion, ac un o amodau'r cytundeb hwnnw yw na ddylid cynnig unrhyw fargeinion a gafodd eu gwrthod i unrhyw weithwyr eraill, hyd nes y bydd y sawl oedd yn gweithio'r fargen yn wreiddiol wedi cael cyfle i ailystyried y mater. Fodd bynnag, roedd yr amod hwn wedi cael ei dorri'n ddiweddar gan fod 'gweithwyr estron' wedi cymryd bargeinion cyn i'r gweithwyr gwreiddiol gael gyfle i ailystyried y mater.