Dywed Evans ei fod wedi gweld y llythyr a dderbyniodd y mwynwyr gan Legg ac ychwanega eu bod yn ymddangos yn ddigon hapus gyda chywair y llythyr. Roedd wedi dweud wrth y dynion nad oedd am wneud unrhyw sylw ar y mater. Fodd bynnag, dywed wrth Legg ei fod yn fodlon cynnal ymchwiliadau pellach ar ei ran a llunio adroddiad diduedd. Ymhellach, dywed ei fod yn amlwg nad oedd y mwynwyr wedi rhestru eu holl gŵynion yn eu llythyr; yn ôl Evans, mae'n debyg nad oedd y sawl a ysgrifennodd y llythyr ar eu rhan yn awyddus i gynnwys yr holl gŵynion hyn 'partly from a fear of implicating himself and partly from ignorance of the mining technicalities their statement involved'.