Poster Neges Heddwch ac Ewyllys Da 2000.
Themâu: datblygiadau mewn cydweithio dros y ganrif ddiwethaf, adeiladu ar y cydweithio a fu, parhau i ddysgu o gamgymeriadau ac anelu am fyd o heddwch, gan Ysgol Glanclwyd. Dyfyniad: "Canrif o ryfela oedd hi, meddai’r haneswyr, ond canrif o gydweithio a chwalu’r hen furiau rhwng y gwledydd, meddwn ni. Ni welwyd cymaint o gydweithio rhwng gwledydd erioed o’r blaen. Dyma ganrif sefydlu’r Cenhedloedd Unedig, Cymorth Cristnogol, Oxfam a Medecins Sans Frontières a thwf y Groes Goch. Bellach, pan fo argyfwng naturiol fel daeargryn neu lifogydd yn taro gwlad, y mae pawb yn barod i helpu er gwaethaf y ffraeo a fu yn y gorffennol, a daw’r cymorth hwnnw o fewn ychydig oriau.
’Rydym ni, blant a phobl ifainc y byd, yn chwarae rhan amlwg yn hyn trwy godi arian at wahanol achosion da. A NI, yn y ganrif hon, a fydd yn camu ymlaen gyda’r gwaith. Gadewch i ni, bobl ifainc y byd, adeiladu ar y cydweithio a fu, a dysgu oddi wrth gamgymeriadau y gorffennol, er mwyn creu byd o heddwch.”