Poster Neges Heddwch ac Ewyllys Da 1994.
Themâu: heddwch, dioddefaint Bosnia, cydwladwyr yn troi’n gyd-laddwyr, ffoaduriaid, awydd pawb i ddianc weithiau i gael heddwch o greulondeb byd, ein tynged yn ein dwylo, anelu i greu byd o gyfiawnder, gadael i hunanoldeb ddiflannu o’n heneidiau. Dyfyniad: "Dangosir lluniau o ddioddefaint a rhyfeloedd mewn gwlad megis Bosnia, lle gwelir cydwladwyr yn toi’n gyd-laddwyr. Erchyll yw gweld y ffoaduriaid yn byw yn yr holl drueni ac yn ysu am gael dianc o dranc rhyfel…. Gadewch i ffydd, gobaith a chariad gael y blaenoriaeth yn ein gweithredoedd a chaniatewch i’r trais a’r hunanoldeb ddiflannu o’n heneidiau. Beth am i ni, ieuenctid y byd, ymestyn ein dwylo a datgan mewn neges glir mai trwy oddefgarwch y cawn ein rhyddhau i fyd diogel, heddychlon a hapus?”