Cafodd y gadair hon ei chreu yn nhref Bryn-mawr yn ystod Dirwasgiad y 1930au. 'Arbrawf' gan y Crynwyr oedd y fenter i geisio mynd i'r afael â'r holl ddiweithdra yno. Cafodd dwsin o ddynion eu dysgu mewn dim o amser ac ymhen blwyddyn roedden nhw'n pasio'r sgiliau ymlaen i brentisiaid ifanc. Roedd yn llwyddiant ysgubol, a daeth ceisiadau am ddodrefn o Gymru a thu hwnt. Yn anffodus, daeth y fenter i ben yn ddisymwth ym 1940 gyda dechrau'r Ail Ryfel Byd.