Yn ei swydd fel Gweinidog Arfau cafodd Lloyd George y pwer i fynnu y newidiadau hynny mewn diwydiant er mwyn sicrhau llwyddiant yn y rhyfel. Rhoddwyd safle newydd i undebau llafur mewn trafod a gweithredu ac fe welodd Lloyd George y cyfle i wella amodau gweithwyr o ran iechyd a dioglewch a thai. Gwelodd hefyd botensial gwragedd fel rhan o'r gweithlu ac fe wnaeth eu gwaith hwy mewn ffatroedd arfau chwyldroi eu safle mewn bywyd cyhoeddus gan sicrhau iddynt fuddugoliaeth yn yr ymgyrch am hawl i bleidleisio yn dilyn y Rhyfel.