Priododd David Lloyd George â'i wraig gyntaf, Margaret Owen, yn 1888. Cawsant bump o blant: Richard (1889), Mair (1890, bu farw yn 1907), Olwen (1892), Gwilym (1894) a Megan (1902). Nid oedd Dame Margaret yn medru dygymod â bywyd yn Llundain Seisnig, mewn gwirionedd yr oedd yn cas�u'r lle. Er iddi fyw yn Rhif 11 ac Rhif 10 Stryd Downing, yng Nghricieth yr oedd ei chalon a'i chartref. Cadwai hyn y ddau ar wahân yn ddaearyddol ac arweiniodd hyn at arwahanrwydd yn eu perthynas â'i gilydd. Eto i gyd ni fu gwahanu swyddogol a llai fyth ysgariad, ac er blynyddoedd o ymddieithrio yn 1938 dathlwyd eu priodas aur ar wyliau yn Antibes. O blith y plant ei berthynas gyda Megan oedd yr agosaf ac fe gefnogodd yn llwyr ei gyrfa wleidyddol.