Bu brawd ei fam, Richard Lloyd (Uncle Lloyd) yn ddylanwad mawr ar y David Lloyd George ifanc. Mewn gwirionedd fe barhaodd yn athro ac arweinydd i'w nai hyd 1917 pan fu farw yn ei wythdegau. Gweithiai fel crydd ac ar yr un pryd gweithredai fel gweinidog lleyg eglwys Disgyblion Crist (Bedyddwyr Albanaidd) yng Nghricieth. Yr oedd yn Rhyddfrydwr ac yn anghydffurfiwr o argyhoeddiad dwfn.