Roedd Griffith Jones yn aelod yng nghapel Ebeneser, Y Ffór, ger Pwllheli; fe listiodd yn y fyddin yn y capel wedi clywed pregeth gan y Parch. John Williams, Brynsiencyn. Ymunodd á'r 13eg Bataliwn, y Ffiwsilwyr Brenhinol Cymreig (Royal Welch Fusiliers), ac fe aeth i Ffrainc ym mis Rhagfyr 1915. Mae rhai o'r llythyrau a anfonodd adre wedi goroesi. Bu farw yn y frwydr am Goedwig Mametz ar 10 Gorffennaf 1916.