Kate Roberts yw un o lenorion mwyaf adnabyddedig Cymru. Yn ferch i chwarelwr a'i wraig, ganed hi yn Rhosgadfan yn 1891 ac roedd ganddi dri brawd, Richard, Evan a David. Yn ystod ei bywyd, ysgrifenodd Kate Roberts peth o lenyddiaeth mwyaf poblogaidd Cymru. Yn aml, byddai'n darlunio bywyd gwledig y chwarelwr yng Ngogledd Cymru; bywyd oedd yn gyfarwydd iawn iddi. Prynodd hi a'i gwr, Morris T. Williams, Wasg Gee yn Ninbych yn 1935 gan gyhoeddi 'Baner ac Amserau Cymru' am nifer o flynyddoedd. Bu farw Kate Roberts yn 1985 ac adnabyddir hi hyd heddiw fel 'Brenhines ein Llên'.