Cofio Cricieth 1918 -2018 Ysgol Treferthyr. Mae Cyngor Tref Cricieth wedi derbyn grant gan Gronfa Treftadaeth y Loteri (Y Rhyfel Byd Cyntaf: ddoe a heddiw) ar gyfer prosiect Cofio Cyfraniad Cricieth mewn partneriaeth efo Ysgol Treferthyr, Coleg Meirion Dwyfor a Neuadd Goffa Cricieth. Dros y flwyddyn ddiwethaf mae plant Ysgol Treferthyr a grwp o fyfyrwyr Coleg Meirion-Dwyfor wedi bod yn ymchwilio i ac yn dysgu am gyfraniad Cricieth i'r Rhyfel Byd Cyntaf a'r effaith a gafodd ar y dref, yr ardal a'r bobl. Bu'r plant a'r myfyrwyr hefyd yn cydweithio efo'r beirdd a cherddorion Twm Morys a Gwyneth Glyn ac efo'r artist lleol Ffion Gwyn sydd hefyd wedi bod yn cydlynu'r prosiect i greu cyfres o gerddi, arddangosfeydd, gosodiadau a chofebion cyfoes i nodi canmlwyddiant diwedd y Rhyfel Byd Cyntaf gyda'r pwyslais ar heddwch i gofio a choffhau cyfraniad Cricieth a'r ardal i'r rhyfel honno. Ffotograffau gan Ffion Gwyn