Tynnwyd y ffotograff gan John Thomas, tua'r flwyddyn 1875.

Ganed Margaret Jones yn Rhosllannerchrugog, ger Wrescam. Daeth yn adnabyddus am ei theithiau i wledydd tramor. Treuliodd gyfnodau hir ym Mhalesteina ac ym Morocco. Cyhoeddwyd y llythyrau a anfonodd at ei theulu o Balesteina yn y gyfrol 'Llythyrau Cymraes o Wlad Canaan' (1869). Disgrifiodd ei phrofiadau o'i theithiau ym Morocco yn y gyfrol 'Morocco a'r hyn a welais yno' (1883). Yn ddiweddarach ymsefydlodd yn Awstralia lle bu farw ym 1902.

Ffynhonnell:
Y Bywgraffiadur Arlein, Llyfrgell Genedlaethol Cymru
https://bywgraffiadur.cymru/article/c-JONE-MAR-1902