Mae hysbyseb am y llety yma yn yr 'Aberystwyth Official Guide and Souvenir' agyhoeddwyd gan Gorfforaeth Aberystwyth. Nodwyd mai'r perchennog oedd Miss K. B. Lloyd, fod pob ystafell dderbyn yn wynebu'r môr a fod byrddau ar wahân yn yr ystafell fwyta fawr. Roedd Tŷ Fictoria yn un o dri tŷ gafodd eu adeiladu fel rhan o gynllun mawr arfaethedig J P Seddon i wella'r dref. Y bwriad oedd codi cilgant o 25 tŷ ond dim ond tri gafodd eu codi. Dechreuwyd godi'r tai ym Mehefin 1868 ac fe'u gorffenwyd ym 1871. Mae'r llechfaen uwch y drws yn nodi fod mai yma y bu Thomas Francis Roberts, Pennaeth Coleg Prifysgol Cymru 1891-1919, yn byw rhwng 1904 a 1919. Mae'r adeilad wedi ei gofrestru fel Adeilad Rhestredig Gradd II erbyn hyn.