Mae'r map sy'n cyd-fynd gyda'r 'Borough Guide', a gyhoeddwyd tua 1905 gan Gyngor Tref Aberystwyth a Chwmni Edward J Burrows, yn dangos safle'r 'Ysbyty'. Roedd yr ysbyty, oedd hefyd yn cael ei adnabod fel Ysbyty Cyffredinol Aberystwyth a Cheredigion, yn weithredol o 1838 hyd at 1966. Cafodd ei dymchwel yn 1998/1999. Dim ond y llechen goffa sydd ar ôl bellach, a llwybr sy'n ymdroelli drwy erddi deniadol tuag at ddatblygiad tai newydd.