Mae'r map a gynhwysir yn nhywyslyfr y 'Borough Guide', a gyhoeddwyd tua 1905 gan Gyngor Tref Aberystwyth a Chwmni Edward J Burrows, yn dangos mai 'baddonau' oedd yr adeilad mawr ag iddo sawl adain yn y lleoliad yma. Roedd yma faddonau cyhoeddus ar gyfer dynion a bechgyn a hefyd i fenywod a merched. Newidiwyd yr adeilad yn sinema yn y 1920'au. Mae hysbyseb yn yr 'Aberystwyth Official Guide and Souvenir' a gyhoeddwyd gan Gorfforaeth Aberystwyth ym 1924, am yr 'Imperial Cinema' lle gellir gweld 'y ffilmiau gorau a mwyaf diweddar' sydd â 'thafluniad berffaith'. Danoswyd ffilmiau yn ddi-dor o 6yh tan 11yh. Petai'r tywydd yn wlyb byddai dwy sioe arall - am 11:30yb ac am 2:30yp. Roedd gan y sinema gerddorfa lawn, oherwydd ni ryddhawyd y ffilm 'siarad' cyntaf (The Jazz Singer) tan 1927. Adnabyddwyd y lle fel Sinema Conway (ac yn wreiddiol Y Theatr Fach). Dymchwelwyd yr adeilad yn y 1970'au cynnar ac adeiladwyd sinema'r Commodore yn ei le.