Mae'r 'Aberystwyth Official Guide and Souvenir' a gyhoeddwyd gan Gorfforaeth Aberystwyth ym 1924, yn nodi mai'r Parchedig Evan Isaac oedd yn cynnal gwasanaethau Cymraeg yma. Adeiladwyd y capel ar hen safle'r dafarn 'The Jolly Sailor', a cafodd ei gynllunio a'i adeiladu gan Walter Thomas o Lerpwl. Ar y pediment gwelir tarian â'r geiriau 'Saint Paul's 1879' arni. Adeiladwyd Ysgoldy yn gyfochr ym 1903-04. Caewyd y capel ym 1992 ac mae bellach wedi ei addasu yn dafarn yr 'Academy'.