Mae'r 'Borough Guide', a gyhoeddwyd gan Gyngor Tref Aberystwyth a Chwmni Edward J Burrows tua 1905, yn nodi fod gwasanaethau Saesneg yn cael eu cynnal am 11yb a 6yh Yn ôl yr 'Aberystwyth Official Guide and Souvenir' a gyhoeddwyd gan Gorfforaeth Aberystwyth ym 1924, yr Hybarch Archddiacon Williams oedd y Ficer. Adeiladwyd yr Eglwys mewn tri cham; yn gyntaf codwyd corff yr Eglwys ym 1882-1886 gan Middleton a'i Fab. Codwyd yr ail ran - sef gwaelod y tŵr a'r transept - ym 1888-89. Ychwanegwyd y gangell ym 1897 gan Prothero a Phillott o Cheltenham.