Nodir yn yr ''Aberystwyth Official Guide and Souvenir', â gyhoeddwyd gan Gorfforaeth Aberystwyth ym 1924, fod y Promenâd wedi cael ei ehangu rai blynyddoedd yng nghynt, o amgylch penrhyn y castell. Yn ogystal, mae'r tywyslyfr yn rhestru llawer o ystafelloedd preifat oedd ar gael yn y tai, rhifau 5, 6, 7, 9, 14, 15, 17, ac 18. Er enghraifft, roedd y tŷ Forteviot, rhif 6 Y Ro Fawr, perchennog Mrs Speller, yn cynnig 2 lolfa a 7 llofft, mewn lleoliad hylaw gerllaw Gerddi'r Castell. Roedd eraill, fel Miss Thomas, Brynarfor, 12 Y Ro Fawr yn amlygu bath â dŵr poeth ac oer. Golau trydan oedd Mrs T Williams, Eastnor, 18 Y Ro Fawr, yn ei gynnig fel nodwedd atyniadol i'r ystafelloedd.