Ceir llun a hysbyseb am y gwesty yma yn yr 'Aberystwyth Official Guide and Souvenir' a gyhoeddwyd gan Gorfforaeth Aberystwyth ym 1924. Ar yr adeg hynny roedd y gwesty wedi ei benodi gan yr AA, ac, yn ôl yr hysbyseb, wedi ei ailddodrefnu a'i ailaddurno drwyddo i gyd, gyda goleuadau trydan, prydau ardderchog a phrisiau rhesymol. Yn ogystal roedd gan y gwesty bysgotfa eog breifat o fewn cyrraedd hwylus i Aberystwyth. E G Wood oedd y perchennog.

Ym 1838 ail-fodelwyd yr adeilad i fod yn siop teiliwyr ar gyfer Burtons. Mae'r ffasâd yn y dull nodweddiadol Art Deco oedd i siopau Burtons. Erbyn tua 1932 roedd y cwmni wedi sefydlu ei adran bensaerniol ei hun, yn addasu neu/ac adeiladu siopau newydd i gynllun pensaerniol â sefydlwyd gan Henry Wilson. Gellir gweld meini sylfaen ar Ffordd y Môr sydd wedi eu harysgrifo gyda'r dyddiad ac enwau Raymond Montague Burton ac Arnold James Burton. Mae'r adeilad bellach yn Adeilad Rhestredig Gradd II.