Mae'r map sy'n gynwysedig yn yr 'Aberystwyth Official Souvenir and Guide' a gyhoeddwyd gan Gorfforaeth Aberystwyth yn 1924 yn dangos Banc Lloyds yn y safle yma. Mae ffasâd yr adeilad yn dwyn dyddiad 1902. Sefydlwyd Banc Lloyds yn Birmingham ym 1765 gan John Taylor, gwneuthurwr botymau a Sampson Lloyd, cynhyrchydd a deliwr mewn haearn (oedd hefyd yn Grynwr). Ehangodd y banc a chymryd drosodd fusnesau bancio llai yn y 19ed a'r 20ed ganrif. Yn 1995, cyfunodd gyda'r Trustee Savings Bank a masnachu fel Lloyds TSB Bank plc rhwng 1999 a 2013. Yn 2009, yn dilyn yr argyfwng ariannol, cafodd Lloyds Banking Group ei ariannu gan y Llywodraeth Brydeinig. Cyfunwyd canghennau Lloyds TSB yn Lloegr a Chymru gyda changhennau Cymdeithasau Adeiladu Cheltenham & Gloucester a chyda busnes Lloyds TSB yr Alban i ffurfio banc newydd dan yr enw TSB Bank plc.