Mae hysbyseb yn yr 'Aberystwyth Official Guide and Souvenir' a gyhoeddwyd gan Gorfforaeth Aberystwyth ar gyfer hen Westy Brenhinol y Llew. Mae'r hysbyseb yn tynnu sylw at y ffaith fod y gwesty wedi ei benodi gan yr AA (Automobile Association) a bod yno garej i 100 o geir. Rhoddir pob ystyriaeth i gysur yr ymwelwyr o dan oruwchwyliaeth y perchennog T Craven. Yn ogystal, roedd gan y gwesty fws oedd yn cyfarfod pob trên. Roedd yno hefyd dau fwrdd biliards fel atyniad ychwanegol.