Mae'r 'Aberystwyth Official Guide and Souvenir' a gyhoeddwyd yn 1924 gan Gorfforaeth Aberystwyth, yn nodi fod cwmnïau theatr o Lundain yn ymddangos yn aml yn Theatr y Coliseum. Fe'i adeiladwyd yn 1904-5 ar gyfer y perchennog, David Phillips, gan y pensaer J. Arthur Jones o Aberystwyth a'r adeiladwr E.E. Jenkins. Roedd yn llwyfan i ddramâu, ffilmiau, Eisteddfodau, cynyrchiadau amatur, cyfarfodydd gwleidyddol a chyngherddau tan 1932 pan gafodd ei drawsnewid yn sinema. Fe'i caewyd yn 1977 a'i ailagor yn 1982 yn gartref i Amgueddfa Ceredigion.