Byddai ymwelwyr i'r dre yn y cyfnod yr argraffwyd y 'Borough Guide' gan Gyngor Tref Aberystwyth a Chwmni Edward J Burrows, wedi gweld Clocdwr gwahanol i'r un sydd yno heddiw. Adeiladwyd clocdwr gwreiddiol Aberystwyth ym 1858 i ddynodi hen safle Neuadd y Gorfforaeth (adeiladwyd 1771, dymchwelwyd 1855). Codwyd y tŵr 62 troedfedd (18.8m) gan adeiladwr lleol, Mr Rodderick Williams a'i Fab, gyda'r rhan fwyaf o'r adeiladwaith wedi ei wneud o garreg Gymreig o chwarel leol oedd ym mherchenogaeth Roderick Williams. Cafodd Cloc y Tŵr ei addurno gyda charreg Bath, math o galchfaen a gyflenwyd gan Randall a Saunders o Gaerfaddon yng Ngwlad-yr Haf. Ariannwyd yr adeilad ei hun gan danysgrifiadau cyhoeddus ar gôst o £1,250. Fodd bynnag, yn 1956 datganwyd bod pen uchaf y tŵr yn beryglus ac felly fe'i dymchwelwyd. Codwyd y Tŵr Cloc presennol i ddathlu'r Mileniwm.