Print torlun leino o Euros Bowen gan Paul Peter Piech.

Ystyrir Euros Bowen yn un o feirdd Cymraeg mwyaf yr ugeinfed ganrif. Dechreuodd farddoni yn ystod gaeaf caled 1947, ac o'r dechrau cefnodd ar draddodiad 'barddoniaeth ffotograffig' a'r arfer o ddefnyddio delweddau fel addurniadau yn hytrach nag fel gwir gyfrwng mynegiant. Er y credai na ddylai barddoniaeth fod yn fodd i draethu syniadau ac na ddylid bychanu beirdd sydd yn telynegu am fyd natur, cyfansoddodd rai o gerddi mwyaf astrus yr iaith.