Wrth ysgrifennu o'r camp, chwe milltir o Cincinnati, pwysleisia John unwaith eto fod ei iechyd yn well nac erioed.

Ar y 27ain o'r mis, fe gymerodd ei frigâd ran mewn arolygiad o flaen y brigadydd cyffredinol. Roedd tua chwe mil ohonynt yno a golwg hardd arnynt. Roedd band pres yno hefyd yn 'gwneyd twrw dychrynllyd'. Bu'n rhaid iddynt gerdded chwe milltir i gyrraedd safle'r arolygiad ond roeddynt yn derbyn canmoliaeth uchel lle bynnag yr aent. Roedd y criw i gyd wedi bod ar y piced wythnos diwethaf, bedair milltir o'r gwersyll. Mae John yn dweud eu bod yn cadw ysgol ar ddydd Sul a'i fod yn ddiwrnod eithaf ysgafn.