Rhybudd a gyhoeddwyd ym 1828 ynglŷn ag osgoi talu'r doll yn llawn ar y tyrpeg rhwng Y Trallwng a Threfaldwyn. Codwyd y doll yn ôl nifer yr anifeiliaid a oedd yn tynnu cerbydau neu gerti nwyddau, ac mae'n debyg y byddai rhai o ddefnyddwyr y ffordd yn gwahanu un neu fwy o'r ceffylau oddi wrth eu cerbydau er mwyn mynd heibio i'r doll ar lai o gost. Roedd cosb o bumpunt yn swm sylweddol ar y pryd.