Ffotograff grŵp ffurfiol o blant ac athrawon yn ysgol Llanwnog yn ystod yr 1890au. Er bod llawer o luniau Fictoraidd o'r math wedi goroesi ac, a dweud y gwir, yn bethau digon cyffredin, maent bron i gyd yn rhoi golwg hynod ddiddorol i ni ar oes sydd bellach wedi diflannu. Yr hyn sy'n gyffredin ym mhob llun yw'r wynebau di-wên, yr hetiau a hyd yn oed y plant lleiaf yn gwisgo bŵts trymion, a ddefnyddiwyd yn aml i gerdded milltiroedd i'r ysgol.