Yn ôl y llyfr “40 Mlynedd o Rygbi”:

“Ym 1985 derbyniodd Andrew Lloyd o’r Grîn, blaenasgellwr gyda’r Tîm Cyntaf, yr anrhydedd o gynllunio a chreu Cadair Eisteddfod Genedlaethol Y Rhyl a’r Cyffiniau. Yn ffodus, roedd teilyngdod, a Robat Powel oedd y bardd buddugol gyda’i awdl yn dwyn y teitl ‘Cynefin’. Yn ogystal â hyn roedd aelod o’r Clwb, John Idris Owen, yn gyn-enillydd y Fedal Ryddiaith, gydag aelod arall, Gareth Rowlands wedi dod yn ail yng nghystadleuaeth y Rhuban Glas. Oherwydd hyn, daeth Mr Les Phillips i’r casgliad mai Clwb Rygbi Dinbych oedd y Clwb mwyaf diwylliedig yng Nghymru!”