Darlun gan ddarlunydd Ffrengig Georges Tabureau (Sandy-Hook) sy'n dangos suddo'r FALABA.

Cafodd y FALABA ei suddo gan long danfor Almaenig ar 28 Mawrth 1915, rhyw 38 milltir i’r gorllewin o’r Smalls, Sir Benfro, ar ei ffordd o Lerpwl i Sierra Leone. Rhoddodd criw'r llong danfor rybudd i’r 280 o deithwyr a chriw ddianc ar y badau achub, ond cyn y gallent wneud hynny fe gafodd torpido ei danio, a suddodd y llong bron ar unwaith.

Lladdwyd 104 o deithwyr a chriw gan y ffrwydrad, drwy foddi, neu o hypothermia yn y dŵr rhewllyd. Hon oedd y llong deithwyr ddiarfau gyntaf yr ymosodwyd arni yn y rhyfel, ac yn dilyn y trychineb cafodd y golygfeydd enbyd a hanesion dirdynnol y tystion mewn cwest yn Aberdaugleddau sylw mawr ym mhapurau newydd y byd.

Ffynhonnell:
Sandy-Hook, Artist. Le torpillage du "Falaba" Acte de féroce piraterie commis par un sous-marin allemand le 28 Marsdans le Canal St-Georges / / Sandy-Hook 15. Paris: "Librarie de l'Estampe," 68 Chaussée d'Antin. Photograph. Retrieved from the Library of Congress, .