Ganed Edith Cavell (1865-1915) yn Swydd Norfolk, dechreuodd ar ei gyrfa nyrsio pan oedd yn 30 oed gan symud i sefydliad meddygol Berkendael, Brwsel ym 1907. Wedi i'r rhyfel ddechrau ym 1914, aeth ati i gynorthwyo milwyr y cynghreiriaid i ddianc o Wlad Belg, gwlad a oedd wedi ei meddiannu gan yr Almaenwyr ar y pryd. Ym 1915 fe'i harestiwyd gan yr Almaenwyr. Safodd ei phrawf yn y Llys Marsial ac fe'i saethwyd yn farw ar ôl treulio tri mis yn y carchar.