Cafodd y llong mewn potel hon ei gwneud gan Hugh Jones (1875-1918) o Surrey House, Y Borth, pan oedd yn dal yn Llongwr Masnach dan brentisiaeth. Mae’n fodel o long â rigin llawn ger arfordir creigiog, ynghyd â goleudy a bwthyn.

Adeg ei farwolaeth, Hugh Jones oedd Capten agerlong o’r enw HEATHPARK. Roedd y llong yn cludo llwyth o fwyn o Bilbao i Maryport pan gafodd ei suddo gan dorpido ym Mae Biscay gan yr U 91 dan reolaeth Alfred von Glasenapp ar 5 Hydref 1918. Bu farw’r criw cyfan o 18. Corff y Capten Jones oedd yr unig un y daethpwyd o hyd iddo yn y môr a chafodd ei gladdu yn Bilbao.

Neil Evans, Winsford, a ddaeth â’r llong mewn potel hwn i sylw Prosiect Llongau-U 1914-18 ac a roddodd ganiatâd i ni ei rannu. Wnaeth e etifeddu'r eitem hwn o'i daid.