Dyfeisiwyd y 'Stepney Spare Motor Wheel' ar gyfer ceir modur gan T. M. Davies ym 1904. Roedd Davies a'i frawd Walter yn berchen ar fusnes haearnwerthu yn Llanelli. Ar y pryd, roedd ceir yn cael eu cynhyrchu heb olwynion sbâr a datblygodd T. M. Davies ddyfais y gellid ei defnyddio fel olwyn sbâr. Roedd ei ddyfais yn boblogaidd iawn ac aethpwyd ati i gynhyrchu llawer ohonynt yn y ffatri yn Llanelli. Rhoddwyd hwb i'r gwerthiant dramor gan wahanol asiantaethau ac yn ddiweddarach, ffatri deiars yn Walthamstow. O'r flwyddyn 1922, daeth y cwmni yn adnabyddus dan yr enw 'Stepney Tyres Ltd' ac fe gaewyd y ffatri yn Llanelli wrth i gynhyrchwyr ceir ddechrau cynnig olwynion sbâr gyda'u moduron.