Cafodd powlenni cawl o'r math hwn eu cynhyrchu yn ffatri Llanelli ar gyfer y farchnad yng Nghymru. Roedd cawl yn rhan bwysig o ddeiet teuluoedd Cymru yn y cyfnod hwn; roedd y cawl clir yn cynnwys cig wedi ei ferwi, llysiau a digonedd o bersli wedi ei dorri'n fân. Mae'r bowlen hon wedi ei haddurno gyda phatrwm sbwng. Nid oedd y crochenwaith a gafodd ei gynhyrchu yn y ffatri ar y pryd o safon uchel iawn, ac roedd yn dueddol o dorri'n graciau mân. Mesuriadau: 7.7cm o uchder, 16cm ar draws.