Y 'Temple of Flora' yw'r llyfr lluniau botanegol Seisnig enwocaf a'r mwyaf ysblennydd o'i fath. Mae'r llyfr yn cynnwys lleoliadau egsotig a rhamantaidd ar gyfer planhigion dethol, gyda thestun rhyddiaith a barddoniaeth. Mae'r dalennau print lliw yn gyfuniad o acwatintau, mesotintiau a phrosesau engrafu eraill.

Daeth y copi hwn i Gymru ym 1844 yn rhodd i Goleg Dewi Sant, Llanbedr Pont Steffan, gan Thomas Phillips (1760-1851). Rhoddodd Thomas Phillips gyfanswm o 22,500 o lyfrau i Lanbedr Pont Steffan i gyd, ac ynghyd â'r casgliadau a roddwyd ac a adawyd yn ewyllysiau'r Esgob Burgess a'r teulu Bowdler, daeth llyfrgell y coleg yr un fwyaf a'r mwyaf cynhwysfawr yng Nghymru.