Ganed Tanni Grey-Thompson yng Nghaerdydd a daeth y paraolympiad gorau ac o bosibl fwyaf ysbrydoledig yn y DU erioed.

Pan oedd yn 15 oed, enillodd Grey-Thompson ras 100 metr yn y Gemau Cadair Olwyn Iau Cenedlaethol. Tair blynedd yn ddiweddarach cafodd ei dewis gan y Sgwad Rasio Cadair Olwyn Prydeinig i gystadlu yn y Gemau Cadair Olwyn y Byd cyntaf.

Enillodd Grey-Thompson ei medal Paraolympaidd gyntaf, efydd y 400 metr, yn Seoul ym 1988. Er iddi gael llawdriniaeth ar ei hasgwrn cefn a gorfod aros i ffwrdd o'r trac am flwyddyn, enillodd pedair medal aur yng Ngemau Paraolympaidd Barcelona ym 1992 yn y rasys 100m, 200m, 400m ac 800m.

Enillodd Thompson ddwy fedal aur arall yng Ngemau Paraolympaidd Athen yn 2004, gan ddod â'i chyfanswm i 11 medal aur.

Enwyd Tanni Grey-Thompson yn Bersonoliaeth Chwaraeon y Flwyddyn BBC ym 1992 a 2000, ac yn 2005 fe'i gwnaed yn Fonesig yr Ymerodraeth Brydeinig.