Dechreuwyd ar y gwaith o adeiladu Castell Rhuddlan ym 1277, a hwn oedd yr ail gastell a godwyd yng Nghymru gan y Brenin Edward I. Ar un ochr i amddiffynfeydd y castell consentrig mae doc ar yr afon, ynghyd â ward fewnol arbennig ar ffurf diemwnt.

Ymosododd y Cymry ar Gastell Rhuddlan yn ystod gwrthryfel 1294, ac eto yn ystod gwrthryfel Glyn Dwr ym 1400. Er na ddifrodwyd y castell yn ystod y gwrthryfel hwnnw, difrodwyd rhannau o dref Rhuddlan yn sylweddol iawn. Bu'r castell yn nwylo'r Brenhinwyr yn ystod Rhyfel Cartref Lloegr cyn syrthio i ddwylo'r Seneddwyr ym 1646. Ym 1648 cafodd y castell ei ddinistrio ymron yn llwyr yn unol â pholisi'r Seneddwyr i rwystro unrhyw ddefnydd pellach o'r adeilad.

Ffynonellau:
http://www.castlewales.com/rhudln.html
http://cadw.wales.gov.uk/