Dyma grynodeb o lythyr a ysgrifennwyd yng Nghasnewydd gan y Foneddiges Elizabeth Dayrell at ei gŵr [William Morgan, Tredegar] ychydig wedi iddi ei adael.

Diolcha iddo am ei rodd o 'chariot' [cerbyd bach pedair olwyn gyda seddau cefn yn unig], rhywbeth bach o'i gymharu â'i haelioni eraill, ac yn ei chyflwr presennol ni all wneud dim mwy na chofio yn ddiolchgar. Gobeithia y bydd ef fyw i ddarganfod pwy oedd y gelynion marwol a achosodd iddynt wahanu. Gofynna iddi faddau iddo am fod mor ddigwulydd ag ysgrifennu ato.

Mewn ôl-nodyn dywed ei bod yn dymuno dod i Lundain gyda 'the originall deeds of disposition of my smale estate in my owne power' [h.y., ei chytundeb priodas?], fel y gall ef ei losgi gyda'i ddwylo ei hun.