Cafodd y lamp ddiogel gyntaf ei gwneud a'i phrofi gan Syr Humphrey Davy (1778-1829) ym 1815. Roedd fflamau canhwyllau neu lampiau olew yn medru tanio'r nwyon a oedd yn aml iawn yn bresennol o dan ddaear mewn pyllau glo, gan achosi ffrwydron. Roedd y lamp ddiogel yn rhwystro hyn. Os bydd nwy methane yn mynd i'r Lamp Davy ac yn tanio, ni fydd y fflam yn medru dianc drwy'r gwifrwe ('gauze') gan fod tymheredd y nwy yn disgyn islaw'r pwynt tanio unwaith y bydd yn dod i gysylltiad â gwifren haearn mân.