Roedd priodasau cudd yn galluogi cyplau i briodi'n gyfreithiol heb seremonïau eglwysig ffurfiol. Byddai'r priodasau fel arfer yn digwydd ymhell o gartrefi'r ddau, heb ostegion, ac yn aml heb drwydded. Yn aml byddai'r seremonïau hyn yn cael eu cynnal er mwyn osgoi cyhoeddusrwydd neu er mwyn caniatáu priodas heb gydsyniad y rhieni os oedd y rhai a oedd yn priodi o dan 21 mlwydd oed. Prin yw'r dogfennau sydd wedi goroesi o'r priodasau hyn.

Dyma dystysgrif priodas gudd Samuel Edwards o blwyf Llanfihangel Ystrad a Margaret Jones o blwyf Ciliau Aeron, Ceredigion. Cynhaliwyd y gwasanaeth priodas ymhell i ffwrdd ym mhlwyf Llanfynydd yn neoniaeth Caerfyrddin.

Er bod y dystysgrif wedi'i hysgrifennu'n rhannol yn Lladin, mae rhan helaeth ohoni yn Saesneg ac mae'n darllen fel a ganlyn:

'God Save King George Amen

Whereas Samuel Edwards of the parish of Llanvihangel Ystrad [wedi'i mewnosod uwchben] in the county of Cardigan of the one part, & Margaret Jones of the parish of Killie Ayron in the county of Cardigan of the other part were married at Llanfinith [Llanfynydd] in the Deanery of Carmarthen the 28th day of Septemb[er] Month 1753. According to the Rites and Ceremonies of the Church of England...'