Llun dyfrlliw modern gan Michael Williams (2012) sy’n seiliedig ar ffotograffau du a gwyn hanesyddol o’r 1910au. Atgynhyrchiad ar gerdyn post.

Mae’r olygfa’n dangos yr agerlong DORA, gynt yn eiddo i’r Aberdovey and Barmouth Steamship Company. Wrth ddychwelyd i Lerpwl o Belfast ar 1 Mai 1917 fe gafodd ei stopio gan y llong danfor Almaenig yr UC 65 dan reolaeth Otto Steinbrink. Gorchmynnwyd i griw’r DORA adael y llong yn y badau achub. Yna aeth criw’r UC 65 ar fwrdd yr agerlong, gosod ffrwydron, a’i suddo.

Michael Williams a ddaeth â’r ddogfen hon i sylw Prosiect Llongau-U 1914-18 ac a roddodd ganiatâd i ni ei sganio.